O Castelo do Bolo

O outeiro do Bolo, pola súa estratéxica posición, contou con estruturas defensivas dende a época prerromana, co asentamento dos Volobrigas, os primeiros poboadores desta terra.

Destas primeiras construcións non queda nada. O Castelo do Bolo que podes visitar hoxe en día en unha reconstrución obra de Juan Pimentel nos séculos XV-XVI, trala súa destrución case total no marco das revoltas dos Irmandiños (1467-69).

O primeiro Castelo do Bolo, probablemente moito máis grande e impoñente, erguérase a comezos do século XII, en tempos de Dona Urraca.

Recentemente restaurado, podes subir á torre da homenaxe, que con 18 metros de altura domina o Castelo do Bolo e as terras que o rodean. As vistas dende o alto son espectaculares e poderás aproveitar para sacar algunhas fotos únicas da bisbarra.

Dentro do Castelo do Bolo podes visitar un centro de interpretación interactivo no que comprendera-la evolución do Castelo a través do tempo e a súa influencia nesta zona do oriente ourensán.

Se queres coñecer mellor estas terras, pasar un rato agradable e desfrutar das súas fermosas vistas, podes achegarte a visitar o Castelo do Bolo, a uns seis quilómetros do Santuario de As Ermitas.