Pena Trevinca

Pena Trevinca con 2.127 metros de altitude sobre o nivel do mar é a montaña máis alta de Galicia. No mesmo macizo de Trevinca e formando parte tamén da Serra do Eixe, a Pena Negra (2.123 m) e a Pena Survia (2.122 m) destacan tamén dentro deste espazo natural protexido.

Ademáis de gozar da fermosura da paisaxe, en Trevinca poderás coñecer os seus elementos de orixe glaciar, coma a Lagoa da Serpe e a Lagoa de Ocelo, ou percorrer o Teixadal, un bosque de teixos centenarios que forman un ecosistema único en Europa.

Se es un amante das aves e desfrutas da súa observación, en Pena Trevinca atoparás unha ampla diversidade tanto de aves como de outra fauna da montaña. Mesmo podes ter sorte e ve-la parella de aguias reais que todavía aniña nestas paraxes da Serra do Eixe.

Outra cousa interesante que debes saber da Pena Trevinca é que é un dos 14 lugares do mundo co certificado starlight, que distingue os puntos de todo o planeta dende onde se pode acadar mellores vistas do firmamento. Se che interesa a astronomía, tódolos veráns organizan unha andaina noturna dende A Veiga para contemplá-las estrelas.

Se che gusta a tranquilidade, camiñar polas montañas e desfrutar da natureza en estado puro, non perdas esta excursión a Pena Trevinca.

Iso si, debes recordar que estamos a falar de montañas de máis de dous mil metros de altitude e que acceder a elas entrana riscos. Comeza á mañanciña, leva roupa e equipamento axeitados e soamente se te-los coñecementos suficientes e a climatoloxía acompaña.